Dëst Joer fënnt déi 3ten Editioun vun den 3×3 Luxembourg Championships den 8. Juli op de Place de l’Académie zu Esch/Belval statt.
Nodeems den Datum aus techneschen Grënn zweemol huet missten verluegt gin, as dann elo zesummen mat all Partner den definitiven Datum fond gin.
Wei och déi lescht 2 Joer gëtt de Landesmeeschter am 3×3 an den ënnerschiddlechen Kategorien gesicht.
Eng Neiegkeet gëtt et wat d’Kategorien ubelaangt. Bei den Erwuessenen gëtt et eng nei Kategorie “Open Mixtes” wou pro Mannschaft 2 Spillerinnen a 2 Spiller ugemellt musse sinn.
Bei den Umeldungen ënner 18 Joer, kënnen d’Ënnerschrëften och op der Platz nogereecht gin.
Umeldungen ginn bis spéitstens den 30. Juni 2017 ugeholl. Informatiounen iwwer d’Alterskategorien a weider Detailer fannt Dir um Umeldungsformular.
«
